hagalil.com
Spenden Sie mit PayPal - schnell, kostenlos und sicher!

Newsletter abonnieren
Koscher leben...
 
 

 

La peraşa de la semana / AHARE
Rav Yeuda ADONİ

Ahare Mot / Kedoşim

[ORIGINALTEXT]

En la peraşa "Ahare" nos enbeza el sirvisyo ke aziya el Koen Gadol enel santuvaryo en el diya de las perdanansos Yom Kipur. Arambam la mişna la explika dizyendo kuando el Koen Gadol tornava a su kaza despues ke kumplyo su sirvisyo, lo akonpanyavan asta su kaza i aziya un bonketo a sus keridos porke tornova a su kaza sano i rezyo.

El banketo ke aziya el Koen Gadol era por ke no se danyo enel santuvaryo la ora ke el izo su sirvisyo. Un koen ke no era pertenesyente por azer el sirvisyo de el diya de la perdonansa, no puediya salir bivo de el santuvaryo. İ por esta razon es ke el Koen Gadol no deviya alargar su orasyon, por no azerlos dezesperar a el puevlo.
El banketo ke aziya el Koen Gadol en su kaza, le enteresava a su persona, el Koen Gadol deviya ser kazado i orasyonar por su famiya i no solo por si. Antes de el diya de las perdonansas se deviya apartarse de kaza i santefikarse. Kuando ya izo su sirvisyo ke ya fue resivido de parte de el todo poderozo, tornava kon alegriya a su kaza, onde su famiya.

El sirvisyo ke aziya el Koen Gadol en diya de Kipur era por santefikar a el mundo el este. Tomar la santedad de las altura i abaşarla a el mundo ande bivimos nosotros ansi en tornando el Koen Gadol a su kaza trayiya kon si la santedad a su kaza i a el mundo.

Semejante a este sujeto lo rankontramos en Rabi Akiva ke es diço por el. Entro kon nos i salyo en pas. Rabi Akiva estudyo todas las sekretos de la Tora. Este estudyo no lo izo solamente para si salo sino por enbezarla a el mundo entero.
El eskopo de la kresyon de el mundo es de azerle una morada a el Kriyador en este mundo por traer la santedad de las arturas, a el mundo el este.
En el livro "Tana deve Eliyau" meldamos: Ansi dize el Kriyador a İsrael, yo kualo dezeo de vosotros? De amorvos unas kon otros de anorarvos unos kon otros. Komo el Kriyador se apiada kon todos las Kriyansas, i nosotros devemos de apiadarmos de unos a las otras, seya moralmen seya materyelmente. Kada persona es presyozo verso el Kriyador, por ke es su kriyansa, i nosotros devemos apresyar a todo persona por ke todos somos Kriyansas de el todo poderozo. Malgrado todos nos defektos el Kriyador syempre esta entre nosotros.
Aşohen itad betoh tumotam.

Wochenabschnitt[Koscher in Istanbul] [Anyos Munchos i Buenos]

Zum Inhaltsverzeichnis: haParashah
Zum Inhaltsverzeichnis: Jahaduth



Fragen an die Rebbezin...
Jüdische Weisheit
haGalil.com ist kostenlos! Trotzdem: haGalil kostet Geld!

Die bei haGalil onLine und den angeschlossenen Domains veröffentlichten Texte spiegeln Meinungen und Kenntnisstand der jeweiligen Autoren.
Sie geben nicht unbedingt die Meinung der Herausgeber bzw. der Gesamtredaktion wieder.
haGalil onLine

[Impressum]
Kontakt: hagalil@hagalil.com
haGalil - Postfach 900504 - D-81505 München

1995-2014... © haGalil onLine® bzw. den angeg. Rechteinhabern
Munich - Tel Aviv - All Rights Reserved
ehem. IDPS, Kirjath haJowel